प्रथम स्ट्रॉबेरीचे फिलिंग बनवण्यासाठी स्ट्रॉबेरी स्वच्छ धूऊन कट करुन घेतल्या. मग एका पॅनमध्ये स्ट्रॉबेरी व साखर घालून घट्ट होईपर्यंत उकळले. मग त्यात लिंबाचा रस घालून गॅस बंद केला. व मिश्रण थंड करून घेतले.

आता व्हाईट चॉकलेट बोरोसिल बाऊलमध्ये मायक्रोव्हेव मध्ये ठेवून एक मिनिट मेल्ट करून घेतले. त्यातलीच थोडं चॉकलेट पायपीन बॅग मधे घालून मग चॉकलेट बनवण्याच्या मोल्ड मधे लाईन मारून घेतल्या.

आता वरील स्ट्रॉबेरी फिलींग मधे मेल्ट केलेले व्हाईट चॉकलेट व त्याच्या निम्मे अमुल फ्रेश क्रीम मिक्स करून घेतले. मिश्रण थोडावेळ फ्रिजमध्ये ठेवून दिले.

आता डार्क चॉकलेट एका बोरोसीलच्या बाऊलमध्ये घेऊन ते मायक्रोवेव्ह मध्ये एक मिनिट ठेवून मेल्ट करून घेतले. मग व्हाईट लाईन मारलेल्या चॉकलेट मोल्ड मध्ये ते चॉकलेट प्रत्येक साच्यात ओतून टॅप केले व नंतर साचा उलटा करून जादा चे मिश्रण काढून टाकले. व सर्व साईडचे चॉकलेट क्लीन करून तो मोल्ड फ्रिज मध्ये दहा मिनिटे ठेवून सेट करून घेतले.

वरील डार्क चॉकलेट च्या मोल्डमधे वरील स्ट्रॉबेरीचे फिलिंग चमच्याने घालून त्यावर परत डार्क चॉकलेट घातले. सर्व बाजूंनी नीट सील झाल्यावर साईडचे चॉकलेट क्लीन करून घेतले.

दहा पंधरा मिनिट फ्रिजमध्ये ठेवून सेट केल्यावर मोल्ड उलटा करून तयार चॉकलेट काढून घेतले. हे पूर्ण बॉल सारखे गोल चॉकलेट बनवण्यासाठी त्याचा एक भाग डार्क चॉकलेट मध्ये प्लेन साईडने बुडवून दुसऱ्याचे चॉकलेटच्या प्लेन साईडला लावली व ते सेट केले आणि सेंटरला व्हाईट चॉकलेटची पायपीन बॅगने लाईन मारली. अशाप्रकारे सुंदर मार्केट सारखे सगळ्यांना आवडणारे सेंटर फिलींग चॉकलेट तयार झाले.