प्रथम कारली स्वच्छ धुऊन घ्या. सुरीने मध्यभागी छेद देऊन मीडियम साईज चे तुकडे करा.

तुकड्यांमध्ये थोडेसे मोठे मीठ भरून घ्या. तयार तुकड्यांचे भांडे कुकरमध्ये ठेवून तीन शिट्ट्या करा.

कुकर थंड झाल्यावर भांडे बाहेर काढा व एक एक तुकडा हातात घेऊन अलगदपणे दाबून त्यातील पाणी काढून घ्या. म्हणजे खारटपणा राहात नाही.

गॅस वर एका कढईत दोन टीस्पून तूप टाकून त्यात मोहरी, जीरे, कढीपत्ता टाकून फोडणी करून घ्या. नंतर त्यात काळा मसाला, लाल तिखट, हळद, धने-जीरे पावडर, चिंचेचा बुटुक, गूळ टाकून परतून घ्या.

नंतर त्यात शिजवलेल्या कारल्याच्या फोडी टाका व अर्धी वाटी पाणी टाकून तीन ते चार मिनिटे उकळून घ्या. चवीपुरते मीठ टाकून झाकून ठेवा.

अशा प्रकारे आपली आगळीवेगळी कमी इन्ग्रेडियंट मध्ये रसरशीत मसाला कारल्याची भाजी तयार.... सर्व्ह करताना - यासोबत गरम गरम भाकरी किंवा पोळी भन्नाट लागते..