प्रथम एका कढईत 3 टेबलस्पून साजूक तूप घालून ते गरम झाल्यावर त्यात 1कप गव्हाचे पीठ मंद गॅसवर भाजून घेतले. मग त्यात पुन्हा 3 टेबलस्पून तूप घालून गव्हाचे पीठ 7 ते 8 मिनिटे तांबूस रंगावर भाजून घेतले.

मग त्यात 1/4 कप मिल्क पावडर भाजलेल्या गव्हाच्या पिठात घालून चांगली मिक्स करून घेतले.

पीठ थोडे गरम असताना त्यात 1 कप पिठीसाखर घालून ते चांगले मिक्स करून घेतले. व पीठ चांगले दाबून ठेवले. व 10 ते 15 मिनिटे झाकून ठेवले.

पुन्हा एकदा पीठ चांगले मळून मोदकाच्या साच्यात मोदकाचे पीठ घालून, साचा पूर्ण भरून मोदक तयार करून घेतले.

अश्या रीतीने आपले गव्हाचे मोदक गणपती बाप्पाचा प्रसादासाठी तयार आहेत. हे मोदक खूप खुसखुशीत आणि चवीला सुद्धा अतिशय सुंदर लागतात.