முதலில் கடலை பருப்பினை தண்ணீரில் 6 மணிநேரம் ஊறவைக்கவும்.பின்னர் அதனை மிக்ஸியில் போட்டு கொரகொரப்பாக தண்ணீர் சேர்க்காமல் அரைத்து கொள்ளவும்

பின்னர் முருங்கைக்காயை நீளமாக வெட்டி சிறிது தண்ணீர் ஊற்றி வேக விடவும். சிறிது நேரம் ஆற விட்டு ஸ்பூன் உதவியுடன் உள்ளே இருக்கும் விழுதினை தனியாக எடுக்கவும்

இப்போது அரைத்த கடலை பருப்புடன் நறுக்கிய வெங்காயம் சேர்க்கவும். பின்னர் முருங்கை காய் விழுதினை சேர்க்கவும்.பின்னர் நறுக்கிய கருவேப்பிலை மற்றும் மல்லி தழை சேர்த்து கொள்ளவும்

மிக்ஸியில் இஞ்சி,பூண்டு, சீரகம்,மிளகு,சிறிது கருவேப்பிலை சேர்த்து நன்றாக அரைத்து எடுக்கவும். அரைத்த இந்த மசாலா தூளை பருப்பு கலவையுடன் சேர்க்கவும்

இப்போது மிளகாய் தூள், மஞ்சள் தூள், பெருங்காயம்,உப்பு சேர்க்கவும். இதனுடன் அரிசி மாவு மற்றும் கடலைமாவு சேர்த்து நன்றாக கலந்து கொள்ளவும்.

நன்றாக கலந்து பின் சிறிய சிறிய உருண்டைகளாக தட்டி தட்டையான அல்லது உருண்டைகளாக போட்டு தட்டில் தயாராக வைக்கவும். எண்ணெய் காய்ந்ததும் ஒவ்வொன்றாக போட்டு பொரித்து எடுக்கவும்.