பூரண கொழுக்கட்டை

முதலில் பச்சரிசி 2 கப் எடுத்து இரண்டு மணி நேரம் ஊற வைக்கவும்.

பின்பு நீரை வடித்து மிக்ஸியில் அரிசியை போட்டு தண்ணீர் ஊற்றி மைய அரைக்கவும்.

அரைத்த மாவினை ஒரு வாணலியில் ஊற்றி மிதமான சூட்டில் நெய் 2 ஸ்பூன் ஊற்றி கிளறி கொன்டே இருக்கவும். நமது கையில் மாவு ஒட்டாத வரை கிளறிக்கொன்டே இருக்க வேண்டும். பின்பு அடுப்பை அணைத்து சிறிது ஆற விடவும்.

வாணலியில் நெய் 2 ஸ்பூன் ஊற்றி துருவிய தேங்காய் போட்டு மிதமான தீயில் ஒரு நிமிடம் வதக்கி பின்பு நாட்டு சர்க்கரை, ஏலக்காய் பொடி சேர்த்து நாட்டு சர்க்கரை சிறிது இளகும் வரை வதக்கி இறக்கவும்.

வணக்கிய மாவில் சிறிது எடுத்து உள்ளங்கையில் வைத்து தட்டி அதில் நடுவில் சிறிது தேங்காய் பூரணத்தை வைத்து மடித்து கொழுக்கட்டை போல் பிடிக்கவும்.

இட்லி பாத்திரத்தில் பிடித்த பூரணத்தை வைத்து பத்து நிமிடம் வேக விடவும்.

மிகவும் மிருதுவான பூரணத்தை விநாயக கடவுளுக்கு படைத்து பின்பு சூடாக சாப்பிடலாம்.