மேல் மாவு செய்ய:

வாணலியில் தண்ணீர் ஊற்றி நல்லெண்ணெய் மற்றும் உப்பு சேர்த்து கொதிக்க விடவும்

பின் அரிசி மாவு உடன் சிறிது சிறிதாக சேர்த்து கிளறவும்

சற்று சேர்ந்து வரும் போது தண்ணீர் ஊற்றுவதை நிறுத்தி விட்டு இரண்டு நிமிடம் கழித்து நன்கு பிசைந்து ஈரத்துணி கொண்டு சுற்றி வைக்கவும்

பூரணம் செய்ய:

கடலைப்பருப்பை கொதிக்கும் நீரில் போட்டு முக்கால் பாகம் வரை வேகவைத்து சற்று ஆறியதும் மிக்ஸியில் போட்டு கரகரப்பாக பொடித்து கொள்ளவும்

வெல்லத்துடன் சிறிது தண்ணீர் சேர்த்து கொதிக்க விட்டு வடிகட்டி பின் மீண்டும் கொதிக்க விடவும்

இளம் பாகு பதத்தில் வந்ததும் தேங்காய் துருவல் சேர்த்து ஏலத்தூள் மற்றும் பொடித்த கடலைப்பருப்பு சேர்த்து நன்கு கிளறவும்

இரண்டு ஸ்பூன் நெய் விட்டு நன்கு சுருள கிளறி இறக்கவும்

கொழுக்கட்டை செய்முறை:

மூடி வைத்துள்ள மாவை கைகளில் சிறிது நெய் தடவி கொண்டு நன்கு பிசைந்து கொள்ளவும்

பின் சின்ன சின்ன உருண்டைகளாக உருட்டி வைக்கவும்

பின் சிறிது எண்ணெய் தடவி கொண்டு இரண்டு கட்டை விரலால் அழுத்தி கொண்டே வந்தால் சொப்பு போல் வரும்

பின் அதில் பூரணம் வைத்து மடித்து வைக்கவும்