முதலில் வெங்காயம் தக்காளி பீன்ஸ் கேரட் பச்சை மிளகாய் கொத்தமல்லி கருவேப்பிலை இவற்றை பொடி பொடியாக நறுக்கி வைக்கவும். 2 ஸ்பூன் நெய் ஊற்றி முந்திரிப்பருப்பை வறுத்து எடுக்கவும் பிறகு ரவையை போட்டு நன்றாக வறுக்கவும்.

வேறொரு கடாயில் நெய் ஊற்றி கடுகு உளுந்து கடலைப்பருப்பு பச்சைமிளகாய் கருவேப்பிலை வெங்காயம் சேர்த்துவதக்கவும்.பிறகு கேரட் பீன்ஸ் தக்காளி உப்பு சேர்த்து நன்கு வதக்கவும். பிறகு மிளகாய்த்தூள் கறி மசாலாத்தூள் சேர்த்து வதக்கவும்காய்கறிகள் அரை பதம் வதங்கியதும் ஒன்றரை கப் தண்ணீர் ஊற்றி கொதிக்கவிடவும். நன்கு கொதி வரும் பொழுது வறுத்து வைத்த ரவை முந்திரி சேர்த்து கலந்து விடவும் மூன்று நான்கு நிமிடம் குறைந்த தீயில் மூடி வைத்து வேக விடவும் இப்பொழுது இறக்கினால் நன்கு உதிரி உதிரியாக ரவை பாத் தயாராகிவிடும்.

தயாரான ரவை வெஜிடபிள் பாத் கரண்டியால் நன்கு உதிரிஉதிரியாக உதிர்த்து பொடியாக நறுக்கிய மல்லி இலை சேர்த்து பவுலுக்கு மாற்றவும். கலர்ஃபுல்லா சத்தான ருசியான ரவை வெஜிடபிள் பாத் தயார்.