1 கப் பட்டாணி 5 மணி நேரம் ஊறவைத்து குக்கரில் 2 விசில் விட்டு வேக வைத்து வடித்து வைக்கவும்.

புதினா 1 கட்டு கழுவி வைக்கவும்.பெரிய வெங்காயம் 2 தோல் நீக்கி பொடியாக நறுக்கி வைக்கவும்.

தாளிக்க பட்டை 1,கிராம்பு 2,ஏலக்காய் 1 எடுத்து வைக்கவும்.கடாயில் ஆயில் 1 டேபிள் ஸ்பூன் விட்டு வறுத்து அரைக்க தேங்காய் துருவல் 1 கப்,முந்திரி 6,சோம்பு 1/2 டீஸ்பூன்,இஞ்சி 1 துண்டு, பூண்டு 4 பல்,பொட்டுக்கடலை 1 டேபிள் ஸ்பூன்,பச்சை மிளகாய் 5 எடுத்து வைக்கவும்.

அனைத்தையும் பொன்னிறமாக வறுத்து கழுவி வைத்த புதினா இலையையும் சேர்த்து வதக்கி ஆறவிட்டு மிக்ஸியில் அரைக்கவும்.

நைசாக அரைத்து வைக்கவும். கடாயில் 2 டேபிள் ஸ்பூன் ஆயில் விட்டு தாளிக்க உள்ள பட்டை,கிராம்பு,ஏலக்காய் சேர்த்து நறுக்கிய வெங்காயம் உப்பு சேர்க்கவும்.நன்கு வதக்கி அரைத்து வைத்த புதினா கலவையை சேர்த்து பச்சை வாசனை போக வதக்கவும்.

அதில் தண்ணீர் 1 கப் சேர்த்து கொதிக்க விடவும்.வெந்த பச்சை பட்டாணியை சேர்க்கவும்.கலக்கி கொதிக்க விடவும்.அடுப்பில் இருந்து இறக்கி எலுமிச்சை சாறு 1 பழம் பிழிந்து கலக்கி விடவும்.

சுவையான புதினா குருமா ரெடி.சப்பாத்திக்கு ஏற்றது.😋😋