ரைஸ் குக்கரில் சுவையான சிக்கன் தம் பிரியாணி (Delicious Chicken Dum Biryani in Rice Cooker)

முதலாலது படி
சிக்கன் மெரினேஸன்

* 1 கிலோ சிக்கனை அளவான துண்டுகளாக நறுக்கிக் கொள்ளவும். சிக்கனுடன்
மேரினேட்டுக்கு தேவையான பொருட்களையும் 1 கப் தண்ணீரையும் சேர்த்து, நன்றாக பிரட்டிக் கொள்ளவும்.

* இரவு முழுவதும் பிரீஸரில் (உறைவிப்பான் / குளிரூட்டியின் அதி குளிரான மேற்பகுதி) ஊற வைக்கவும்.

* இரவு முழுவதும் ஊற வைப்பதால், பிரியாணியின் சுவை மேலும் மெருேகரும்.

* அடுத்த நாள் சமைக்க ஆரம்பிக்க 1 மணி நேரத்துக்கு முன்பே சிக்கனை குளிரூட்டியிலிருந்து வெளியில் எடுத்து வைக்கவும்.

இரண்டாவது படி
தம் போடுதல்

* நன்றாக அரிசியை கழுவி, 30 நிமிடங்கள் ஊற வைக்கவும்.

* ரைஸ் குக்கரை ஒன் செய்து, அதில் 4 ஸ்பூன் நெய் சேர்க்கவும்.

* பின்பு தேவையானளவு கருவேப்பிலை மற்றும் ரம்பை, ஏலக்காய், பட்டை சேர்த்து கிளறவும்.

* சிறிதாக நறுக்கிய வெங்காயத்தையும் சேர்த்து, பொன்னிறமாகும் வரை கிளறவும்.

* பின் தக்காளி, பச்சை மிளகாய் சேர்த்து தக்காளி மசியும் / மென்மையாகும் வரை வதக்கவும்.

* ஊற வைத்த சிக்கனுடன் வெட்டிய உருளைக்கிழங்கையும் சேர்த்துக் கொள்ளவும்.

சிக்கனை சமனாக ரைஸ் குக்கரின் அடியில் பரப்பி கொள்ளவும்.

* பின்னர் ஊற வைத்த அரிசியை சிக்கனின் மேல் மெதுவாக பரப்பி, தேவையான அளவு தண்ணீர் மற்றும் உப்பு சேர்த்து அரிசியை வேக விடவும்.

* ஆவி வெளியேறாதவாறு நன்றாக ரைஸ் குக்கரையும் மூடி, அதிலுள்ள துளைகளையும் துணியால் மூடி, ரைஸ் குக்கரின் மேல் பாரமான பொருளொன்றை வைக்கவும்.

மூன்றாவது படி
தாளித்தல்

* கடாயொன்றை அடுப்பில் வைத்து, 3 ஸ்பூன் நெய் சேர்க்கவும்.

* சிறிதாக நறுக்கிய வெங்காயத்தையும் சேர்த்து, பொன்னிறமாகும் வரை தாளிக்கவும்.

* பின்னர் மீதமுள்ள தாளிப்பதற்கு தேவையான பொருட்களையும் சேர்க்கவும்.
* இறுதியாக பிளம்ஸ்ஸை சேர்க்கவும். இல்லாவிட்டால் பிளம்ஸ் கருகி விடும்.

ரைஸ் குக்கர் ஆப் ஆனவுடன், தாளித்த பொருட்களையும், 2 ஸ்பூன் நெய் மற்றும் 1/4 கப் தண்ணீரில் கலந்து வைத்த எஸ்சென்ஸையும் பிரியாணியில் சேர்த்துக் கொள்ளவும்.

* கம கமக்கும் சுவையான ரைஸ் குக்கர் தம் பிரியாணி ரெடி.

* சாதம் மற்றும் அடியில் உள்ள சிக்கனையும் நன்றாக கலந்து பின் பரிமாறவும்.

* மேற்கூறிய அளவில் செய்தால், 8 பேர் வயிராற சாப்பிடலாம்.