அரிசியை கழுவி 15 நிமிடம் ஊற‌ வைக்கவும். மிளகு, சீரகம், பெருஞ்சீரகம் ஆகியவற்றை சேர்த்து பொடி செய்து வைத்துக் கொள்ளவும். மீல் மேக்கரில் தண்ணீர் ஊற்றி உப்பு சேர்த்து நன்கு கொதிக்க‌ விடவும். நன்கு கொதித்து உப்பி வந்ததும் இறக்கி தண்ணீர் வடித்து ஒன்றிரண்டாக‌ நறுக்கவும்.

குக்கரில் எண்ணெய் மற்றும் நெய் ஊற்றி பட்டை, கிராம்பு, ஏலக்காய், பிரிஞ்சி இலை போட்டு தாளிக்கவும். அதனுடன் இஞ்சி பூண்டு விழுது சேர்த்து பச்சை வாசம் போகும் வரை வதக்கவும்

வதக்கியவற்றுடன் வெங்காயம், பச்சை மிளகாய் சேர்த்து நன்கு வதக்கவும்.

வெங்காயம் சிவந்த்தும் தக்காளி சேர்த்து வதங்கியதும் கேரட், பீன்ஸ், உருளை, மீல் மேக்கர் ஆகியவற்றை சேர்த்து கிளறவும்.

காய்கறிகளுடன் வற்றல்தூள் மற்றும் தேவையான அளவு உப்பு சேர்த்து நன்கு கிளறவும்.

பின்னர் புதினா, கொத்தமல்லி சேர்த்து கிளறவும்.

அடுப்பை மிதமான தீயில் வைத்து ஊற‌ வைத்த‌ அரிசியை சேர்த்து மெதுவாக‌ அரிசி உடைந்து விடாமல் கிளறவும்.

அதில் தேவையான‌ தண்ணீர் ஊற்றி ஒரு தேக்கரண்டி பொடி செய்த மிளகு, சீரகத்தை சேர்க்கவும். (தண்ணீரின் அளவு பாசுமதி (அ) சீரக சம்பா ஒரு கப்பிற்கு 1 1/2 கப் என்றும், நன்கு கிளறி விட்டு குக்கரை மூடி தீயை அதிகமாக‌ வைக்கவும்.