ஒரு பெரிய அளவுள்ள தோசை கல் அல்லது வானலியில் நெய் சேர்த்து காய்ந்தவுடன் சீரகம் சேர்த்து சீரகம் நன்றாக பொரிந்தவுடன் உதிரி உதிரியாக வடித்து வைத்துள்ள சாதம் மற்றும் தேவையான அளவு உப்பு சேர்த்து நன்றாக 5நிமிடம் வரை கிளறவும் பின் பொடியாக நறுக்கிய கொத்தமல்லி தூவி இறக்கவும். தால் மக்கனி அல்லது பன்னீர் பட்டர் மசாலாவுடன் சாப்பிட நன்றாக இருக்கும்.

கருப்பு உளுந்து மற்றும் ராஜ்மாவை நன்றாக கழுவி 8மணி நேரம் ஊற வைக்கவும். பின்னர் போதுமான அளவு தண்ணீர் சேர்த்து அதில் துருவிய இஞ்சி, உளுந்து மற்றும் ராஜ்மாவை 8 - 10 விசில் வரும் வரை குக்கரில் வேகவிடவும். ஒரு வானலியில் பட்டர் மற்றும் சிறிது எண்ணெய் சேர்த்து அதில் சீரகம் சேர்த்து தாளிக்கவும்.

பின் மிளகாய் தூள், அரைத்து வைத்துள்ள தக்காளி விழுது சேர்த்து ஆயில் பிரியும் வரை வதக்கவும். பின்னர் குக்கரில் வேகவைத்துள்ள உளுந்து, ராஜ்மாவை நன்றாக மசித்து வானலியில் சேர்க்கவும். மிதமான தீயில் 15 நிமிடம் மூடி கொதிக்கவிடவும். பின் கரம் மசாலா, ப்ரஸ் கிரீம், தேவையான அளவு உப்பு சேர்த்து மீண்டும் 15நிமிடம் கொதிக்க விடவும். பின்னர் தால் கிரேவி மீது சிறிது பட்டர், க்ரீம் சேர்த்து பரிமாறலாம்.