கொண்டைக்கடலை குழம்பு

சிவப்பு கொண்டைக்கடலை கழுவி இரவு ஊற விடவும்.ஊறிய கொண்டைக்கடலையை 2 கப் தண்ணீர் விட்டு குக்கரில் 4 விசில் வேக விடவும்.வேகவிட்டு தண்ணீர் வடித்த விடவும்.துவரம் பருப்பு 2 டேபிள் ஸ்பூன் வேகவிடவும்.துருவிய தேங்காய் 2 டேபிள் ஸ்பூன்,கடலை பருப்பு 1 1/2 டீஸ்பூன்,வரமிளகாய் 5,கசகசா சிறிது,தனியா 1 டீஸ்பூன்,பட்டை 1,கிராம்பு 1,கொத்தமல்லி இலை,இஞ்சி 1 துண்டு,பூண்டு 2 பல் எடுத்து வைக்கவும்.

கடாயில் ஆயில் 2 டீஸ்பூன் சேர்த்து கடலை பருப்பு தனியா துருவிய தேங்காய் பட்டை கிராம்பு வரமிளகாய் இஞ்சி பூண்டு கொத்தமல்லி கசகசா சேர்த்து வதக்கவும்.வறுத்து அரைக்கவும்.துவரம் பருப்பு வெந்தது சிறிது எடுத்து வைக்கவும்.

புளி சிறிது ஊறவிட்டு புளி தண்ணீர் கரைத்து வைக்கவும்.சின்ன வெங்காயம் 12 தோல் உரித்து கழுவி வைக்கவும்.பெரிய வெங்காயம் 1 தோல் உரித்து கழுவி பொடியாக நறுக்கி வைக்கவும்.தக்காளி 1 கழுவி பொடியாக நறுக்கி வைக்கவும்.கடாயில் ஆயில் ஊற்றி கடுகு கருவேப்பிலை தாளித்து சின்ன வெங்காயம் பெரிய வெங்காயம் தக்காளி பச்சை மிளகாய் 1 நறுக்கியது சேர்த்து வதக்கி பருப்பு தண்ணீரில் சேர்க்கவும்.

பருப்பு தண்ணீரில் அரைத்த விழுது தாளித்த வெங்காயம் தக்காளி கொண்டைக்கடலை புளி தண்ணீர் சிறிது ஊற்றி உப்பு சேர்த்து கொதிக்க விடவும்.குக்கரில் 1 விசில் விடவும்.சுவையான கொண்டைக்கடலை குழம்பு ரெடி.சாதத்திற்கு ஏற்றது.இட்லி தோசைக்கும் ஏற்றது.😋😋