முதலில் அரிசி மற்றும் பருப்பை நன்றாக கழுவிவிட்டு இரண்டு மணி நேரம் ஊறவைக்கவும். பின் அரைக்கக் கொடுத்துள்ள பொருட்கள் அனைத்தையும் அரைத்து அதனுடன் ஊற வைத்த அரிசி பருப்பையும் சேர்த்து கரகரப்பாக அரைத்து கொள்ளவும்.

அரைத்த மாவுடன் தேவையான அளவு உப்பு சேர்த்து நன்றாக கலந்து கொள்ளவும். (தேவைப்பட்டால் கருவேப்பிலை கொத்தமல்லி நறுக்கிய வெங்காயம் சேர்த்துக் கொள்ளலாம்). கடாயில் எண்ணெய் சேர்த்து காய்ந்ததும் அதில் ஒரு கரண்டியில் மாவை எடுத்து ஊற்றவும். ஒரு புறம் வெந்ததும் மறுபுறம் திருப்பி வேகவைத்து எடுக்கவும். சுவையான காரசாரமான மிளகாய் வடை தயார்.
எண்ணெயில் பொரிக்க விரும்பாதவர்கள் தோசைகளாக சுட்டு எடுக்கலாம்.