இட்லி அரிசி 1 கப் எடுத்து நன்கு கழுவி 2 மணி நேரம் ஊற விடவும்.ஊறிய அரிசியை கிரைண்டரில் நைசாக அரைத்து வைக்கவும்.பொட்டுக்கடலை 1 1/2 கப் எடுத்து மிக்ஸியில் பொடியாக அரைத்து இரண்டு முறை சலித்து வைக்கவும்.

வரமிளகாய் 8 மிக்ஸியில் சிறிது தண்ணீர் சேர்த்து நைசாக அரைக்கவும்.வெள்ளை எள்ளு 1 1/2 டேபிள் ஸ்பூன் சுத்தம் செய்து எடுத்து வைக்கவும். வெண்ணெய் 1 டேபிள் ஸ்பூன் எடுத்து வைக்கவும்.உப்பு, பெருங்காய தூள் 1 டீஸ்பூன் எடுத்து வைக்கவும்.அரைத்த இட்லி அரிசி மாவில் அரைத்த வரமிளகாய் பேஸ்ட்,வெள்ளை எள்ளு,பொட்டுக்கடலை மாவு உப்பு பெருங்காயம் சேர்க்கவும்.

சேர்த்தவுடன்,அதில் சிறிது தண்ணீர் சேர்த்து வெண்ணெய் போல பிசைந்து வைக்கவும்.ஆயில் 1 டேபிள் ஸ்பூன் காய்ச்சி மாவுடன் சேர்க்கவும்.கடாயில் ஆயில் 1/2 லிட்டர் ஊற்றி அடுப்பில் வைக்கவும்.ஆயில் சூடு ஆனவுடன் முள்ளு முறுக்கு அச்சில் முறுக்கு பிழிந்து எண்ணெயில் சேர்க்கவும்.

இரண்டு புறமும் நன்கு வெந்து பொன்னிறமானவுடன் ஆயில் சலசலப்பு குறைந்தவுடன் முறுக்கை எடுத்து விடவும். சுவையான மொறு மொறு முள்ளு முறுக்கு ரெடி.😋😋