முதலில் இறாலை சுத்தம் செய்து (1 டீஸ்பூன் உப்பு, 1 டீஸ்பூன் தனிமிளகாய்பொடி, 1 டீஸ்பூன் கரம் மசாலா, 3 டீஸ்பூன் லெமன் ஜூஸ்) சேர்த்து பிரட்டி 1/2 மணி நேரம் ஊற வைக்கவும். அடுத்து குக்கரில் 4-6 டீஸ்பூன் எண்ணெய் சேர்த்து இறாலை பொரித்து எடுத்து தனியே வைக்கவும்.

அதே எண்ணையில் 1 டீஸ்பூன் நெய் ஊற்றி 1 பட்டை, 2 கிராம்பு, 2 ஏலக்காய் போட்டு 4 பெரிய வெங்காயத்தை பொன்னிறமாக வதக்கவும். பின்னர் 5-6 பச்சைமிளகாய், கொத்தமல்லி, புதினா இலைகள் சேர்த்து 2 நிமிடம் வதக்கவும்.அடுத்து 4 டீஸ்பூன் இஞ்சி பூண்டு சேர்த்து விழுது 2நிமிடம் கழித்து 2 தக்காளியை சேர்த்து நன்கு வதக்கவும்.

அதே நேரத்தில் ஒரு கடாயில் தண்ணீர் ஊற்றி 1 பிரியாணி இலை, 2 கிராம்பு, 2 ஏலக்காய், 1 பட்டை, 1 நட்சத்திர பூ,தேவையான அளவு உப்பு, கொஞ்சம் கொத்தமல்லி, புதினா இலைகள் போட்டு 1/2 மணிநேரம் ஊறவைத்த பாஸ்மாத்தி அரிசியை சேர்த்து வேக விடவும். அரிசி 70% வெந்ததும் தண்ணீரை வடித்து அரசியை தனியே வைக்கவும்.

தக்காளி நன்றாக வதங்கியதும் 1 டீஸ்பூன் மிளகாய்த்தூள், 1/2 டீஸ்பூன் மஞ்சள்தூள், 1 டீஸ்பூன் கரம் மசாலா, 1 டீஸ்பூன் மல்லித்தூள், தேவையான அளவு உப்பு சேர்த்து 2 நிமிடம் வதக்கவும். பின்னர் அரைத்த முந்திரி பேஸ்ட் சேர்க்கவும். இரண்டு நிமிடம் பின்னர் 1/4 கப் தயிர் ஊற்றவும். 5 நிமிடம் சிம்மில் வதக்கவும்.

அடுத்து இறால் துண்டுகளை மசாலாவில் சேர்த்து கூடவே 3 டீஸ்பூன் லெமன் ஜூஸ் ஊற்றவும். மசாலாவில் இருந்து எண்ணெய் பிரிந்து வரும் வரை காத்திருக்கவும்.

பின்னர் வேகவைத்த பாஸ்மதி அரசியை மசாலாவில் சேர்த்து லேசாக கிளறி கொத்தமல்லி, புதினா இலைகளை தூவி ஒரு பெரிய பாத்திரத்தை குக்கரின் மீது வைத்து 20 நிமிடம் தம் போடவும்.

20 நிமிடம் கழித்து அடுப்பை ஆப் செய்து மசாலாவை அரிசியுடன் முழுவதுமாக கலக்கவும். 15 நிமிடம் குக்கரை மூடி அப்படியே வைக்கவும். சுவையான பிரான் தம் பிரியாணி சுவைக்க தயார்.