மோர் குழம்பு

தயிரைக் கால் கப் தண்ணீர் சேர்த்து கடைந்து வைத்துக் கொள்ளவும். ரெண்டு ஸ்பூன் வரக்கொத்தமல்லி, ஒரு ஸ்பூன் கடலை பருப்பு, ஒரு ஸ்பூன் துவரம் பருப்பு, மற்றும் அரை ஸ்பூன் சீரகம் அனைத்தையும் ஒன்றாக தண்ணீரில் ஊற வைத்துக் கொள்ளவும். அரை மணி நேரம் இவை அனைத்தும் ஊற வேண்டும்

5பச்சைமிளகாய்,,இஞ்சி ஒரு துண்டு, இரண்டையும் எண்ணெய் சிறிது வாணலியில் விட்டு வறுத்துக்கொள்ளவும். இவற்றுடன் ஊறவைத்த பொருட்களுடன் துருவிய தேங்காய் மற்றும் அரை ஸ்பூன் மஞ்சள் தூள் சேர்த்து சேர்த்து மிக்ஸியில் நன்கு அரைத்துக் கொள்ளவும்.

அரைத்த விழுதுகளை மோரில் சேர்த்து கலக்கவும். உப்பு தேவையான அளவிற்கு சேர்த்துக் கொள்ளவும். 10 சின்ன வெங்காயத்தை ஒன்றிரண்டாக மிக்ஸியில் ஒட்டிக் கொள்ளவும் அதையும் மோர்குழம்பு கலவையில் சேர்த்துக் கொள்ளவும். எல்லாவற்றையும் வாணலியில் சேர்த்து அடுப்பில் வைத்து சூடுபடுத்தவும் கொதி வரும் சமயம் அடுப்பை நிறுத்தி விடவும். பிறகு தாளிக்கும் கரண்டியில் ஒரு ஸ்பூன் தேங்காய் எண்ணெய் சேர்த்து சூடு ஏறியவுடன் கடுகு ஒரு ஸ்பூன் உளுத்தம் பருப்பு அரை ஸ்பூன் வரமிளகாய் ஒன்று கருவேப்பிலை பெருங்காயத்தூள் சேர்த்து தாளிககவும்.

சுவையான மோர் குழம்பு தயார். சூடான சாதத்துடன் உருளைக்கிழங்கு பொடிமாஸ் உடன் சேர்த்து சாப்பிட சுவையாக இருக்கும். மோர்க் குழம்பில் வென் பூசணிக்காயை வேக வைத்தும் சேர்க்கலாம். அல்லது வெண்டைக்காயை பொடியாக அரிந்து எண்ணெய் சேர்த்து வதக்கி மோர் குழம்பில் சேர்க்கலாம்