பெரிய வெங்காயம் 1 தோல் நீக்கி கழுவி நறுக்கி வைக்கவும். கேரட் 2 தோல் நீக்கி கழுவி பொடியாக நறுக்கி வைக்கவும். இஞ்சி 1 துண்டு தோல் நீக்கி கழுவி வைக்கவும். பட்டை தூள் செய்து வைக்கவும்.1 டீஸ்பூன் சீரகத்தூள்,1/4 டீஸ்பூன் பட்டை தூள்,1/2 டீஸ்பூன் மஞ்சள்தூள்,உப்பு எடுத்து வைக்கவும்.

கடாயில் வெண்ணெய் 1 டேபிள் ஸ்பூன் சேர்த்து நறுக்கிய வெங்காயம்,இஞ்சி சேர்த்து வதக்கவும்.மிருதுவாக ஆனவுடன் நறுக்கிய கேரட் சேர்த்து வதக்கி தண்ணீர் 2 கப் ஊற்றி வேக விட்டு ஆறியவுடன்,

வெந்த கேரட் வெங்காயம் இஞ்சி ஆகியவற்றுடன் பட்டை தூள் சீரகத்தூள் மஞ்சள்தூள் உப்பு சேர்த்து மிக்ஸியில் அரைத்து வைக்கவும்.

அரைத்த விழுதை வெந்த தண்ணீரில் சேர்த்து கொதிக்க விடவும்.நன்கு கொதித்தவுடன் தண்ணீர் கலக்காத பால் 1 கப் சர்க்கரை சிறிது சேர்த்து விடவும்.

கொதித்தவுடன் உப்பு சிறிது சேர்த்து மிளகு தூள்,நறுக்கிய கொத்தமல்லி தழை,பிரெஷ் கிரீம் சேர்த்து பருகவும். சுவையான கேரட் சூப் ரெடி.😋😋