முதலில் கொள்ளு பருப்பை கல் நீக்கி சுத்தம் செய்து 8-10 மணி நேரம் ஊறவைத்து கொள்ளவும்.. பின்னர் தண்ணீர் வடிகட்டி ஒரு காட்டன் துணியில் வைத்து கட்டி 8-10 மணி நேரம் வரை தனியாக எடுத்து வைக்கவும்... பின்னர் துணியை பிரித்து முளைத்த கொள்ளை எடுத்து வைத்துக் கொள்ளவும். ஒரு கடாயில் 2 டீஸ்பூன் எண்ணெய் விட்டு காய்ந்ததும் அதில் சின்ன வெங்காயம், வரமிளகாய், இஞ்சி பூண்டு சேர்த்து வதக்கவும்.. பின்னர் கொத்தமல்லி, சீரகம், மிளகு, சோம்பு சேர்த்து வதக்கவும்.. தக்காளி சேர்த்து வதக்கி, தேங்காய் துருவல் சேர்த்து வதக்கவும்.

வதக்கிய கலவை ஆறியதும் மஞ்சள் தூள் மற்றும் உப்பு சேர்த்து மிக்ஸியில் போட்டு நன்றாக அரைத்து வைத்துக் கொள்ளவும். பின்னர் ஒரு குக்கரில் (முன்பே கொள்ளு பருப்பை மட்டும் வேக வைத்தும் தனியாக தாளித்து குழம்பு பண்ணலாம்) 1 டீஸ்பூன் எண்ணெய் விட்டு காய்ந்ததும் அதில் கடுகு போட்டு தாளித்து அதனுடன் கொள்ளு பருப்பை சேர்த்து வதக்கவும்.. அடுத்து அரைத்த கலவையை சேர்த்து நன்றாக வதக்கவும்... தேவையான அளவு உப்பு தண்ணீர் சேர்த்து நன்றாக கலந்து கொள்ளவும்... குக்கர் மூடி போட்டு 7-8 விசில் விட்டு இறக்கவும்...

சூடான சுவையான ஆரோக்கியமான கொள்ளு குழம்பு ரெடி... சாதம் மற்றும் இட்லி தோசை போன்ற உணவுகளுடன் சாப்பிடலாம்... நன்றி.. ஹேமலதா கதிர்வேல். கோவை பாசக்கார பெண்கள்.