ஒரு பாத்திரத்தில் தண்ணீர் ஊற்றி சோயா சங்ஸ் ஐ இதில் 10 நிமிடம் ஊற வைக்கவும். பிறகு அதை நன்கு கைகளால் தண்ணீர் இல்லாமல் பிழிந்து எடுத்து வைக்கவும். தேவைப்பட்டால் ஒரு பவுலில் தண்ணீர் ஊற்றி அடுப்பில் வைத்து நன்கு மென்மையாக வேக வைத்து எடுக்கவும்.

வானலில் எண்ணெய் ஊற்றி காய்ந்ததும் சோம்பு சேர்த்து வெங்காயம், கறிவேப்பிலை, பச்சை மிளகாய் சேர்த்து நன்கு பொன்னிறமாக வதக்கவும். பிறகு இஞ்சி பூண்டு விழுது சேர்த்து நன்கு பச்சை வாசனை போகும் வரை வதக்கவும்.

பிறகு தக்காளி, மஞ்சள் தூள், உப்பு சேர்த்து நன்கு மசித்து வதக்கவும். மிளகாய்த்தூள், கரமசாலா, காஷ்மீர் மிளகாய்த்தூள், மட்டன் மசாலா சேர்த்து நன்கு எண்ணெய் விட்டு வரும் வரை வதக்கவும்.

இதில் சோயா சங்ஸ் சேர்த்து கிளறி விட்டு 1/4 டம்ளர் தண்ணீர் ஊற்றி உப்பு, காரம் சரிபார்த்து மூடி வைத்து வேக வைக்கவும். தண்ணீர் வற்றி வந்ததும் கொத்தமல்லி சிறிதளவு சேர்த்து இறக்கவும். நன்றி