சீரக சம்பா சிக்கன் பிரியாணி (Seeraga samba chichen biryani Recipe in Tamil)

முதலில் கோழி இறைச்சியை நன்றாக கழுவி அதில் தயிர், எலுமிச்சை சாறு, வத்தல் பொடி, மஞ்சள் தூள் போட்டு நன்றாக கிளறி வைத்து கொள்ள வேண்டும்.

வெங்காயம், தக்காளி மற்றும் பச்சை மிளகாயை நீளவாக்கில் வெட்டி வைத்துக் கொள்ள வேண்டும்.

3 கப் அரிசியை நான்கு கப் அளவு தண்ணீரில் சிறிதளவு உப்பு சேர்த்து 20 நிமிடம் ஊற வைத்துக் கொள்ள வேண்டும்.

இப்போது பாத்திரத்தை அடுப்பில் வைத்து எண்ணெய் ஊற்றி காய்ந்ததும் அதில் கற மசாலா (சோம்பு,பிரியாணி இலை, ஏலக்காய்,பட்டை, அன்னாசி பூ, கிராம்பு, கசகசா) ஒரு வீதம் சேர்க்க வேண்டும். இதில் இஞ்சிப்பூண்டு விழுது சேர்த்து வதக்கவும் வதங்கியதும் வெங்காயம், பச்சை மிளகாய் சேர்த்து மிதமான தீயில் பாதி வதங்கியதும் தக்காளி சேர்த்து மிக நன்றாக வதங்கியதும் புதினா மற்றும் மல்லித்தழையை சேர்க்கவும்.

அடுத்து இறைச்சி கலவையை சேர்த்து நன்கு கிளறி வதக்கி விட்டு 1கப் தண்ணீர் மற்றும் தேவையான உப்பு சேர்த்து இறைச்சியை அரை வேக்காடு வேக வைக்கவும்.

இப்போது இறைச்சி அரை வேக்காடு வெந்ததும் இதில் அரிசியை ஊற வைத்த நான்கு கப் தண்ணீரை இதில் விட்டு கொதி வந்ததும் உப்பு சரிபார்த்து அரிசியை போட்டு மிதமான தீயில் மூடி போட்டு வைத்து கொள்ள வேண்டும்.

10 நிமிடம் கழித்து திறந்தால்
ட்டடாஆ பிரியாணி தயார்.

கடைசியாக நெய்யில் முந்திரி மற்றும் கிஸ்மிஸ் பழத்தை வதக்கி பிரியாணியில் ஊற்றினால்....ஆகா.....வீடே கமகமக்கும் அருமையான சீரக சம்பா பிரியாணி தயார்.