தேசி ரெட் சாஸ் பாஸ்தா (Desi red sauce pasta recipe in tamil)

ஒரு அகன்ற பாத்திரத்தில் தண்ணீர் கொதிக்க வைத்து உப்பு சேர்த்து அதில் பாஸ்தாவை சேர்த்து வேகவைத்து எடுக்கவும்.

மற்றொரு பாத்திரத்தில் தண்ணீர் கொதிக்க வைத்த நன்றாக கொதித்ததும் அதில் தக்காளி காய்ந்த மிளகாய் சேர்த்து தீயை அணைத்து இருபது நிமிடங்கள் ஊற வைக்கவும்.

20 நிமிடங்கள் கழித்து தண்ணீரை வடிகட்டி தக்காளி காய்ந்த மிளகாயை மிக்ஸியில் அரைத்து எடுத்துக் கொள்ளவும்.

ஒரு வாணலியில் எண்ணெய் விட்டு பட்டை பெருஞ்சீரகம் சேர்த்து நறுக்கிய வெங்காயம் பூண்டு பச்சை மிளகாய் சேர்த்து வதக்கவும்.

வெங்காயம் வதங்கியதும் நீளவாக்கில் வெட்டிய கேப்ஸிகம் சேர்த்து வதக்கி அதனுடன் அரைத்த விழுதை சேர்த்து தேவையான அளவு உப்பு சேர்த்து நன்றாக கொதிக்கவிடவும்.

இது நன்றாக வதங்கி சாஸ் பதத்திற்கு வந்ததும் வேக வைத்த பாஸ்தாவை அதனுடன் சேர்த்து நன்றாக வதக்கி இறக்கவும். காரசாரமான பாஸ்தா தயார்.