அரிசி, பருப்பு இவற்றை தண்ணீர் ஊற்றி நன்கு கழுவி சுத்தம் செய்து தண்ணீர் ஊற்றி 10 நிமிடம் ஊற வைத்து கொள்ளவும். புளியை தண்ணீரில் ஊற வைக்கவும்.

குக்கரில் ஊற வைத்த அரிசி, பருப்பு தண்ணீர் இல்லாமல் வடிகட்டி சேர்த்து தண்ணீர் 5 டம்ளர் ஊற்றி வெங்காயம், தக்காளி, கேரட், முருங்கைக்காய், உருளைக்கிழங்கு, இவற்றை சிறிதாக நறுக்கி சேர்க்கவும்.

பிறகு மிளகாய்த்தூள், மஞ்சள் தூள், சாம்பார் தூள், உப்பு சேர்த்து நன்கு கலந்து விட்டு மூடி போட்டு 5 விசில் விட்டு இறக்கவும்.விசில் போனதும் கரண்டி வைத்து நன்கு மசித்து விடவும்.பிறகு புளி கரைத்து வடிகட்டி கரைசலை எடுத்து சாதத்தில் ஊற்றி அடுப்பில் வைத்து புளி வாசனை போகும் வரை கிளறி விடவும்.

தாளிப்பு கரண்டியில் எண்ணெய், நெய் ஊற்றி காய்ந்ததும் கடுகு, சீரகம், மிளகு பொரிந்ததும் முந்திரி பருப்பு, காய்ந்த மிளகாய், கறிவேப்பிலை சேர்த்து வதக்கி சிறிதளவு பெருங்காயத்தூள் சேர்த்து சாதத்தில் கொட்டி கிளறி கொடுக்கவும்.

கடைசியாக சிறிதளவு கொத்தமல்லி தூவி நெய் சிறிதளவு ஊற்றி நன்கு கிளறி விட்டு இறக்கவும். சூப்பரான சாம்பார் சாதம் தயார். நன்றி