பூரி உருளைக்கிழங்கு மசாலா

ஒரு பவுலில் கோதுமை மாவு, உப்பு, சர்க்கரை, ரவை சேர்த்து 2ஸ்பூன் எண்ணெய் ஊற்றி நன்கு கிளறி விட்டு தேவையான அளவு தண்ணீர் ஊற்றி நன்கு சப்பாத்தி மாவு பதத்திற்கு பிசைந்து வைத்து கொள்ளவும்.

பிறகு அதை சிறிய உருண்டைகளாக உருட்டி சப்பாத்தி கட்டையில் லேசாக எண்ணெய் தடவி வட்ட வடிவில் தேய்த்து கொள்ளவும்.

வானலில் எண்ணெய் ஊற்றி காய்ந்ததும் தேய்த்து வைத்த பூரியை போட்டு பொரித்து எடுத்து கொள்ளவும்.சுவையான பூரி தயார்.

வானலில் எண்ணெய் ஊற்றி காய்ந்ததும் கடுகு, சீரகம், உளுத்தம்பருப்பு, கடலைப்பருப்பு போட்டு தாளித்து வெங்காயம், பச்சை மிளகாய், கறிவேப்பிலை, காய்ந்த மிளகாய், இஞ்சி சிறிதாக நறுக்கியது சேர்த்து வதக்கவும்.

பிறகு தக்காளி சேர்த்து மஞ்சள் தூள், உப்பு சேர்த்து நன்கு மசித்து வதக்கவும். வேக வைத்த உருளைக்கிழங்கை சேர்த்து கிளறி விட்டு தேவையான அளவு தண்ணீர் ஊற்றி உப்பு சரிபார்க்கவும்.

ஒரு பவுலில் கடலை மாவு சேர்த்து தண்ணீர் ஊற்றி நன்கு கரைத்து இதில் ஊற்றி கலந்து விட்டு பச்சை வாசனை போகும் வரை மூடி வைத்து வேக வைக்கவும்.

கடைசியாக சிறிதளவு கொத்தமல்லி தூவி இறக்கவும். ஹோட்டல் சுவையில் பூரி உருளைக்கிழங்கு மசாலா தயார். நன்றி