ரெடிமேட் பஜ்ஜி மாவு தேவையான அளவு தண்ணீர் விட்டு கரைத்துக் கொள்ள வேண்டும். நீட்ட மிளகாயை குறுக்கே அறிந்து பஜ்ஜி மாவில் தோய்த்து எண்ணெயில் பஜ்ஜி போட்டாகிவிட்டது. பஜ்ஜி மாவு மீந்து விட்டது.எப்பவும் பஜ்ஜி மாவு மீந்துவிட்டால் வெங்காயத்தை பொடியாக அரிந்து தூள் பக்கடா செய்வோம். இந்த முறை அப்படி செய்யவில்லை.

கடலைப் பருப்பு வரமிளகாய் ஊறவைத்து அரைத்து, கொத்தவரங்காய், பீன்ஸ்,குடமிளகாய் போன்ற காய்கறிகளை பொடியாக அரிந்து வேகவைத்து,பருப்பு உசிலி செய்வோம்.இம்முறை இரண்டு குடை மிளகாயை பொடியாக அரிந்து, இந்த மீதமானபஜ்ஜி மாவை ஊற்றி செய்தோம். மிகவும் சுவையாக இருந்தது.

குடை மிளகாய் பொடியாக நறுக்கவும். வாணலியில் எண்ணெய் விட்டு கடுகு உளுந்து தாளிக்கவும். நான்கு பல் பூண்டு கறிவேப்பிலை போட்டு வதக்கவும். குடைமிளகாய் சேர்த்து 3 நிமிடம் வதக்கவும் மீதமுள்ள பஜ்ஜி மாவை சேர்த்து சுருள வதக்கி உதிர் உதிராக எடுக்கவும். சுவையான குடைமிளகாய் பருப்புசிலி தயார். நீங்களும் செய்து பாருங்கள்.