தேங்காய் ரசப்பொடி ரசம்

கொத்தமல்லி, கடலைப்பருப்பு, சீரகம்,மிளகு, வர மிளகாய் இவற்றை வாணலியில் வறுத்துக் கொள்ளவும். ஒன்றரை ஸ்பூன் தேங்காய் துருவலை நன்கு வறுத்துக் கொள்ளவும்.

வறுத்த அனைத்தையும் மிக்ஸியில் அரைத்துக் கொள்ளவும். இப்பொழுது ரசப்பொடி தயார்.

வேக வைத்த தக்காளியை நன்கு மசித்து கொள்ளவும். வாணலியில் ஒரு ஸ்பூன் எண்ணெய் சேர்த்த மசித்த தக்காளியை சேர்த்து நன்கு வதக்கவும். இதில் புளி கரைசலை சேர்க்கவும்.

சிறிது சூடேறியதும் பருப்பு தண்ணீரை சேர்க்கவும்.

தேவையான உப்பு மற்றும் ஒரு ஸ்பூன் அரைத்து வைத்துள்ள ரசப்பொடி சேர்க்கவும். கால் டம்ளர் தண்ணீர் சேர்த்து ரசம் நுரை கட்டியவுடன் அடுப்பிலிருந்து இறக்கவும்.வாணலியில் ஒரு ஸ்பூன் நெய் சேர்த்து கடுகு, கறிவேப்பிலை, வரமிளகாய், பெருங்காயம்,பூண்டு தாளித்து ரசத்தில் சேர்க்கவும்.

வெல்லம் சேர்த்து பரிமாறலாம். சுவையான ரசம் ரெடி.