வெஜ் ஜிங்கி பார்சல்

ஒரு பவுலில் வெதுவெதுப்பான தண்ணீர் ஊற்றி சர்க்கரை, ஈஸ்ட் கலந்து 15 நிமிடம் அப்படியே வைக்கவும்.மற்றொரு பவுலில் மைதா மாவு, உப்பு, ஓரிகனோ சிறிதளவு சேர்த்து ஈஸ்ட் ஆக்டிவேட் ஆன தண்ணீர் ஊற்றி பிசைந்து கொள்ளவும்.

இந்த மாவின் மேல் எண்ணெய் தடவி மூடி வைத்து 1மணி நேரம் அப்படியே வைத்து விடவும். மாவு இரண்டு மடங்கு உப்பி வந்து இருக்கும்.அதை சிறிய உருண்டைகளாக உருட்டி வைத்து கொள்ளவும்.

ஸ்டவ் செய்ய : வானலில் வெண்ணெய் விட்டு சிறிதாக நறுக்கிய வெங்காயம், தக்காளி சேர்த்து வதக்கவும்.

பிறகு ஸ்வீட் கார்ன், குடைமிளகாய் இவற்றை சேர்த்து தேவையான அளவு உப்பு, மிளகு தூள், மிளகாய் தூள், ஓரிகனோ சேர்த்து வதக்கவும்.கடைசியாக டோமேட்டோ கெட்ச்அப் சேர்த்து கிளறி விட்டு இறக்கவும். வெஜிடபிள் ஸ்டவ் தயார்.

மைதா மாவு ஒரு உருண்டையை எடுத்து சப்பாத்தி கட்டையில் வைத்து வட்ட வடிவில் தேய்த்து அதன் மேல் வெண்ணெய் தடவி அதன் ஓரங்களை மூன்று பக்கமும் சிறிதளவு மடித்து விடவும்.

பின்னர் அதன் நடுவில் வெஜிடபிள் ஸ்டவ் சிறிதளவு வைத்து மூன்று ஓரங்களில் லேசாக தண்ணீர் தொட்டு தடவி ஓரங்களை மத்தியில் ஒன்று சேர்ந்து மடித்து கொள்ளவும்.பிறகு இதன் மேல் வெண்ணெய் தடவி ஓரிகனோ சிறிதளவு தூவி கொள்ளவும்.

அடுப்பில் கடாய் வைத்து அதனுள் ஸ்டான்ட் போட்டு மூடி வைத்து 10 நிமிடம் ப்ரீஹூட் செய்து வைக்கவும். பிறகு ஒரு தட்டில் வெண்ணெய் தடவி அதன் மேல் செய்ததை வைத்து கொள்ளவும்.

கடாய் சூடானதும் அதனுள் இந்த தட்டை வைத்து மூடி போட்டு அடுப்பை குறைந்த தீயில் வைத்து 30 நிமிடம் வேக வைத்து எடுக்கவும். சூப்பரான வெஜ் ஜிங்கி பார்சல் தயார். நன்றி