முருங்கைக்காய் மசாலா குழம்பு  (Drumstick masala gravy)

முருங்கைக்காயை கழுவி, விருப்பப்பட்ட அளவில் நறுக்கி வைத்துக்கொள்ளவும்.

வாணலியில் எண்ணை சேர்த்து சூடானதும், வற்றல் மிளகாய், கறிவேப்பிலை, தனியா, சீரகம், வெங்காயம் எல்லாவற்றையும் ஓன்றான் பின் ஒன்றாக சேர்த்து வதக்கவும். சூடாறியவுடன், தேங்காய், புளி சேர்த்து மிக்ஸியில் நைசாக அரைக்கவும்.

ஒரு பாத்திரத்தில் நறுக்கிய முருங்கைக்காய் சேர்த்து, ஒரு கப் தண்ணீர், உப்பு சேர்த்து வேகவைக்கவும். காய் பாதி வெந்ததும் அரைத்து வைத்துள்ள மசாலாவை சேர்த்து காய் நன்கு வேகும் வரை மிதமான சூட்டில் வைக்கவும்.

பின்னர் தாளிப்பு கரண்டியில் எண்ணை சேர்த்து சூடானதும், கடுகு, கறிவேப்பிலை, நறுக்கிய சாம்பார் வெங்காயம் சேர்த்து வதக்கி, கொதிக்கும் குழம்பில் சேர்த்து, கலந்து இறக்கினால் சுவையான முருங்கைக்காய் மசாலா குழம்பு சுவைக்கத்தயார்.