சிகப்பரிசி ஐ 2 மணி நேரம் வரை ஊற வைத்து பின் அதை மிக்ஸி இல் மாவாக அரைத்து எடுக்கவும்.பின் பூரணம் வைக்க நிலக்கடலை, முந்திரி,பாதாம், பேரிச்சம்பழம், பூந்தி ஆகியவற்றை எடுத்து கொள்ளவும்.

மிக்ஸி இல் பாதாம், முந்திரி,நிலக்கடலை சேர்த்து 1 வினாடி கொற கொர என அரைக்கவும்.

அரைத்த கலவையை ஒரு தட்டில் சேர்த்து அதோடு பேரிச்சம்பழம் மற்றும் பூந்தி சேர்த்து நன்கு கலந்து விடவும்.

சிகப்பரிசி மாவில் சிறிது உப்பு சேர்த்து கொஞ்சம் கொஞ்சமாக நெய் சேர்த்து கொழுக்கட்டை பதத்திற்கு பிசையவும்

பின் ஒரு கவர் இல் சிறிது எண்ணெய் தேய்த்து மாவில் ஒரு உருண்டை எடுத்து வட்டமாக தட்டி கொள்ளவும். பின் ட்ரை ஃப்ரூட்ஸ் பூரணத்தில் ஒரு உருண்டை எடுத்து கொள்ளவும்.

பின் அதை கொழுக்கட்டை வடிவத்தில் செய்து கொள்ளவும். பின் அதை இட்லி தட்டில் வைத்து 20 நிமிடம் வேக வைக்கவும்.

வெந்தவுடன் அதனை எடுத்து பரிமாறவும். கர்ப்பிணி பெண்களுக்கு மிகவும் சுவையான ஆரோ்கியமான டிரைஃப்ரூட்ஸ் சிகப்பரிசி கொழுக்கட்டை தயார். இதை குழந்தைகளுக்கு மாலை நேர தின்பண்டமாக செய்து கொடுக்கலாம்.