ஒரு மண் கடாயில் சிறிது நல்லெண்ணெய் ஊற்றி மிளகு வதக்கியப்பின் தனியா, சீரகம் மற்றும் வெந்தயம் சேர்த்து நன்கு வதக்கி எடுத்து கொண்டு பிறகு அதே கடாயில் புளி வதக்கியப்பின் சின்ன வெங்காயத்தையும் சேர்த்து வதக்கி ஆற வைத்து மிக்ஸியில் போட்டு சிறிது தண்ணீர் ஊற்றி நன்கு அரைத்துக் கொள்ளவும்.

அதே வாணலியில் நல்லெண்ணெய் ஊற்றி கடுகு,உளுத்தம் பருப்பு, கறிவேப்பிலை, சுண்டைக்காய் வத்தல் மற்றும் பூண்டு சேர்த்து சிவக்க வதக்கி மஞ்சள் தூள்,அரைத்து வைத்துள்ள கலவை மற்றும் தேவையான அளவு உப்பு சிறிதளவு தண்ணீர் ஊற்றி நன்கு கொதித்து எண்ணெய் பிரிந்து வர விட்ட இறக்கினால் பத்தியக் குழம்பு தயார். இதனை சூடான நன்கு குழைத்த சாதத்துடன் சிறிது நல்லெண்ணை ஊற்றி சாப்பிட்டால் சுவையாக இருக்கும்.