பச்சை மிளகாயை நன்கு கழுவி, காம்பு அப்படியே இருக்கவேண்டும்,. மிளகாயின் நுனி பகுதியில் கத்தியை கொண்டு, கால் பகுதி வரை கட் செய்யவும்.

ஒரு பாத்திரத்தில் கெட்டியான மோரை எடுத்துக்கொள்ளவும். தயிரை மிக்ஸியில் சேர்ந்து இரண்டு சுற்று விட்டால் மோர் தயாராகிவிடும்.அதில், உப்பு நறுக்கி வைத்துள்ள பச்சை மிளகாயை சேர்த்து நன்கு குலுக்கி வைக்கவும். கரண்டி வைத்து கிளறி வேண்டாம். மிளகாய் உடைந்துவிடும்.

இரவு முழுவதும் ஊறியபின் எடுத்து (மிளகாய் கொஞ்சம் பழுப்பு நிறம் வரும்)ஒரு சீட் விரித்து அதன் மேல் போட்டு வெயிலில் உலர வைக்கவும். மாலையில் எடுத்து மறுபடியும் மீதமுள்ள மோரில் போட்டு குலுக்கி விடவும். மோர் வற்றும் வரை இதே போல் செய்யவும். நன்கு மொறு மொறுப்பாக மிளகாய் காய்ந்தவுடன் ஸ்டோர் செய்து வைக்கவும்.

மிளகாய் நன்கு மொறுமொறுப்பாக காய்ந்தவுடன் எடுத்து காற்று புகாத பாட்டிலில் போட்டு வைக்கவும். தேவைப்படும் போது எடுத்து எண்ணெயில் பொரித்து, சாதம் நெய் மோர் மிளகாய் உப்பு கலந்தும் தயிர் சாத்தத்துடன் சேர்த்து சாப்பிட சுவையாக இருக்கும்.

இந்த மோர் மிளகாய் நான் போன மே மாதம் தயார் செய்தது.