ஒரு பாத்திரத்தில் நவதானிய மாவு ஒரு கப்,கோதுமை மாவு ஒரு கப், இட்லி மாவு ஒரு கப்,சேர்த்து நன்கு கலந்து விடவும். ஒரு வாணலியில் எண்ணெய் ஊற்றி கடுகு உளுந்து தாளித்து பொடியாக அரிந்த சின்ன வெங்காயம் சேர்த்துவதக்கவும். ஒரு கப் சுத்தம் செய்த முருங்கைக்கீரையை சேர்த்து வதக்கவும்.சிறிது நீர் தெளித்து முருங்கைக்கீரையை வேகவிடவும்.வெந்ததும் மாவில் கலந்து சாம்பார் மிளகாய்த்தூள் ஒரு ஸ்பூன் உப்பு தேவையான அளவு சேர்த்து கலந்து விடவும்.

அடுப்பில் தோசைக்கல்லை வைத்து சூடானதும் ஒரு கரண்டி மாவை ஊற்றி விடவும். அடுப்பு சிம்மில் இருக்கட்டும். சுற்றிலும் எண்ணெய் விட்டு வெந்ததும் திருப்பி போட்டு வேக வைக்கவும். முறுகலாக சுடவும். சுவையான சத்து நிறைந்த சிறுதானிய தோசை தயார். பொட்டுக்கடலை தேங்காய் சட்னியுடன் சாப்பிட சுவையாக இருக்கும். நீங்களும் செய்து பாருங்கள்.