அரிசியை நன்கு கழுவி தண்ணீரில் ஆறுமணி நேரம் ஊற வைக்கவும்.

மிக்ஸியில் பச்சை மிளகாய், சீரகத்தை விழுதாக அரைத்து வடித்து சாறு எடுக்கவும்.

இப்போது மிக்ஸி ஜாரில் அரிசி, பச்சை மிளகாய், சீரகம் சேர்த்து அரைத்து வடித்த சாறு, தேவையான அளவு உப்பு, பெருங்காயத்தூள் சேர்த்து விழுதாக அரைத்து எடுக்கவும்.

ஸ்டவ்வில் ஒரு அடி கனமான பாத்திரம் அல்லது குக்கர் வைத்து ஆறு கப் தண்ணீர் சேர்த்து, அரைத்த அரிசி மாவை சேர்த்து நன்கு கிளறவும். கட்டி சேராத மாதிரி பார்த்து கலக்கிக்கொண்டே இருக்கவும்.

ஓரளவு கெட்டியானதும் இறக்கி வைத்து இரண்டு டேபிள் ஸ்பூன் எண்ணை சேர்த்து கலந்து ஆறவிடவும். முறுக்கு மாவை விட கொஞ்சம் தளர்வாக இருக்க வேண்டும். பின்னர் முறுக்கு பிழியும் பிடியை எடுத்து, அதற்கு எண்ணை தடவி முள்ளு முறுக்கு தட்டு பொருத்தி, அரிசி வடாம் மாவை நிரப்பி வெயிலில் ஒரு துணியை விரித்து, அதன் மேல் பிழியவும். நல்ல வெயில் இருந்தால் இரண்டு நாட்களில் வடாம் காய்ந்து விடும்.

நல்ல வெயிலில் காய்ந்த வடாம் மிகவும் சல சலப்பு சத்தம் வரும். இந்த பக்குவத்தில் எடுத்து ஸ்டோர் செய்யவும். தேவைப்படும்போது எடுத்து சூடான எண்ணெய்யில் போட்டு பொரித்தெடுக்கவும். இப்போது சுவையான அரிசி வடாம் தயார்.