கார வேர்க்கடலை அம்மணி கொழுக்கட்டை (Spicy groundnut ammini kozhukattai recipe in tamil)

ஒரு பாத்திரத்தில் ஒரு கப் தண்ணீர், ஒரு டீஸ்பூன் கோதுமை மாவு, எண்ணை சேர்த்து கொதிக்க ஆரம்பித்தவுடன், அரை கப் அரிசி மாவு, ஒரு சிட்டிகை உப்பு சேர்த்து நன்கு கலந்து கெட்டியானதும் இறக்கவும். கோதுமை மாவு சேர்ப்பதால் மாவில் விரிசல் வராது.

மாவு சூடு ஆறியவுடன், சிறு சிறு உருண்டைகளாக உருட்டி ஆவியில் வைக்கும் தட்டில் வைக்கவும்.

கடாயை ஸ்டவ்வில்வைத்து எண்ணெய் ஊற்றி சூடானதும், கடுகு, உளுந்து, வேர்க்கடலை சேர்த்து வதக்கி, கறிவேப்பிலை, வற்றல் மிளகாய் சேர்த்து ஒரு நிமிடம் வதக்கி, உப்பு, மிளகாய் தூள் கலந்து, வேக வைத்துள்ள மினி கொழுக்கட்டை உருண்டைகளை சேர்த்து, பொடித்த வேர்க்கடலை பொடி, கொஞ்சம் தேங்காய் துருவல், உப்பு கலந்து, மல்லி இலை தூவி இறக்கவும்.

இபோது சுவையான கார வேர்க்கடலை அம்மிணி கொழுக்கட்டை சுவைக்கத்தயார்.