முதலில் பாலை காய்ச்சிக் கொள்ளவும் ஒரு பாத்திரத்தில் சோள மாவு, சர்க்கரை இரண்டையும் நன்றாக கலந்து கொள்ளவும் பால் கொதிக்க ஆரம்பித்தவுடன் சோள மாவு சர்க்கரை சேர்த்து கைவிடாமல் மிதமான தீயில் கிளறிக் கொண்டே இருக்கவும்

கைவிடாமல் கிளறிக் கொண்டே இருக்கவும் பால் க்ரீம் போல் வந்து கெட்டியானவுடன் அடுப்பை அணைக்கவும்

அலுமினிய பாத்திரத்தில் எண்ணை தேய்த்து கெட்டியான பாலை இதில் ஊற்றி சரி சமமாக சரி செய்து காற்று புகாதவாறு துணியால் மூடி ஃப்ரீஸரில் குறைந்தது இரண்டு மணி நேரம் வைக்கவும்

இரண்டு மணி நேரம் கழித்து எடுத்து படத்தில் காட்டியவாறு சதுரமாக வெட்டிக் கொள்ளவும் இது பார்ப்பதற்கு பால் ஜெல்லி போல் இருக்கும்

ஒரு பாத்திரத்தில் சோள மாவு, மைதா மாவை தண்ணீர் விட்டு நன்றாக கரைத்து வைத்த பாலை இதில் தோய்த்து பிரெட் தூளில் நன்றாக புரட்டி எடுத்துக்கொள்ளவும்

இப்போது கடாயில் எண்ணெய் ஊற்றி என்னை நன்றாக காய வேண்டும் நன்றாக காய்ந்த பிறகு மிதமான தீயில் வைத்து பிரட்டில் புரட்டிய பால் துண்டுகளை பொரித்து எடுக்கவும் (பிரட் தூள் எல்லா இடங்களிலும் நன்றாக பரவி இருக்கவேண்டும் இல்லையெனில் எண்ணெயில் பொரிக்கும்போது வெடிக்கும் அதனால் பிரட் தூளை நன்றாக புரட்டி எடுத்து ஃப்ரீசரில் 10 நிமிடம் வைத்து கூட பொரிக்கவும்)

இதைப்போல அனைத்து பால் துண்டுகளையும் மிதமான மற்றும் குறைந்த தீயில் பொரித்தெடுக்கவும்... பொரித்தெடுத்த பாலில் இறுதியாக சிறிது சின்னம்மோன் தூள் (பட்டை தூள்) தூவி விடவும்

குழந்தைகளுக்கு மிகவும் பிடித்த பொரித்த பால் தயார் இதை நறுக்கிய பாதாம், முந்திரி, பிஸ்தா மற்றும் சாக்கோ சாஸ் ஊற்றி பரிமாறவும்