மொறு மொறு உருளைக்கிழங்கு சிப்ஸ்

உருளைக் கிழங்குகளை தோல் சீவிக் கொள்ளுங்கள். பின் உருளைக்கிழங்களை சீவ சீவல் கருவி பயன்படுத்தி மெல்லியதாக சீவிக் கொள்ளுங்கள்.

அடுத்ததாக அதை தண்ணீரில் இரண்டு முறை அலசுங்கள்.

பின் காற்றோட்டமாக துணி விரித்து உருளைக்கிழங்குகளை ஒட்டாமல் காய வைய்யுங்கள். ஈரம் போனதும் எடுத்துக் கொள்ளுங்கள்.

அடுத்ததாக உப்பு ஒரு ஸ்பூன் மற்றும் தண்ணீர் கொஞ்சம் சேர்த்து கரைத்துக் கொள்ளுங்கள்.

கடாயில் எண்ணெய் விட்டு எண்ணெய் நன்குக் காய வேண்டும். காய்ந்ததும் சீவி வைத்துள்ள உருளைக்கிழங்குகளை போடுங்கள்.

அடுத்ததாக கலக்கி வைத்துள்ள உப்பு தண்ணீர் கொஞ்சம் எண்ணெய்யிலேயே சுற்றி ஊற்றுங்கள். எண்ணெய் தெரிக்காதவாறு தள்ளி நின்று ஊற்றுங்கள். இது சிப்ஸில் உப்பு ஏறவே இந்த ஸ்டெப்

அடுத்ததாக சீவல் நன்கு மொறு மொறுவென வரும் வரை பொறித்து கொண்டே இருங்கள். க்ரிஸ்பியாக வந்ததும் எடுத்து விடுங்கள்.

அவ்வளவுதான் மொறு மொறு உருளைக்கிழங்கு சிப்ஸ் தயார்.