Poori Mixed Veg Sagu/  பூரி காய்கறிகள் சாகு

மசாலா அரைத்த 15 முந்திரி, 2 டீஸ்பூன் உடைத்த கடலை, 2 இன்ச் இஞ்சி, 2 பச்சை மிளகாய்,1/2 பெரிய வெங்காயம் நறுக்கியது,3 கிராம்பு,1 இன்ச் பட்டை, 6 மிளகு எடுத்து வைக்கவும். 2 கேரட், 10 பீன்ஸ், 1 பெரிய வெங்காயம் கழுவி நறுக்கி வைக்கவும். 1 கப் காலிஃப்ளவர் எடுத்து வைக்கவும்.

காய்ந்த பச்சைபட்டாணி 1கப் ஊற வைத்து குக்கரில் மூன்று விசில் வேக வைத்து தண்ணீரை வடித்து வைக்கவும். 1/2 கட்டு கொத்தமல்லி தழையை கழுவி எடுத்து வைக்கவும். 3 டேபிள் ஸ்பூன் தேங்காய்த் துருவல் எடுத்து வைக்கவும்.

மசாலா அரைப்பதற்கு அனைத்தையும் மிக்ஸி ஜாரில் சேர்க்கவும். அதனுடன் 3 டேபிள்ஸ்பூன் தேங்காய் துருவல், 1/2 கட்டு கொத்தமல்லித் தழையும் சேர்த்து விழுதாக அரைத்து வைக்கவும். குக்கரில் 3 டேஸ்பூன் ஆயில் விட்டு 1/2 டீஸ்பூன் கடுகு, 1/2டீஸ்பூன் சீரகம், 1/2 டீஸ்பூன் உளுந்து பருப்பு,1 சிட்டிகை பெருங்காயம் சிறிது கறிவேப்பிலை தாளித்து விடவும்.

நறுக்கிய வெங்காயம் காய்கறிகளை சேர்த்து வதக்கி விடவும். 1/2 டீஸ்பூன் மஞ்சள்தூள் உப்பு சேர்த்து 2 விசில் வேகவிடவும்.விசில் அடங்கியவுடன் திறந்து அரைத்த மசாலாவை சேர்த்து நன்கு கலக்கி பச்சை வாசனை நீங்கள் வேகவிடவும்.

சுவையான காய்கறிகள் சேர்த்த கர்நாடகா சாகு ரெடி.

கோதுமை மாவு 2 கப், தண்ணீர், 2 டீஸ்பூன் ஆயில் சேர்த்து மாவு பிசைந்து வைக்கவும். கடாயில் பூரி பொரிப்பதற்கு தேவையான ஆயில் ஊற்றி பூரிகளாக சுட்டு எடுக்கவும். பூரிக்கு காய்கறிகள் சேர்த்து செய்த சாகு செய்து பரிமாறினேன். சுவையாக இருந்தது.😄😄