முருங்கைக் காய் பொரியல்/தொக்கு (Murunkai kaai poriyal recipe in tamil)

முதலில் தேவையான பொருட்கள் அனைத்தையும் தயாராக எடுத்து வைக்கவும்.. முருங்கைக்காயை தேவையான நீளத்தில் நறுக்கி வைக்கவும். ஒரு கடாயில் 3 டீஸ்பூன் எண்ணெய் விட்டு காய்ந்ததும் அதில் கடுகு சோம்பு சேர்த்து நன்றாக பொரிய விடவும். பொடியாக நறுக்கிய சின்ன வெங்காயம் சேர்த்து நன்கு வதக்கவும்.வரமிளகாயை கிள்ளி சேர்த்து வதக்கவும்.பின் எடுத்து வைத்துள்ள மசாலா தூள் மற்றும் கறிவேப்பிலை சேர்த்து தாளித்து தக்காளி சேர்த்து நன்கு மசியும் வரை வதக்கவும்.

பின்னர் நறுக்கிய முருங்கைக் காய் சேர்த்து 1 நிமிடம் வதக்கி தேவையான அளவு தண்ணீர் உப்பு சேர்த்து நன்றாக வேக விடவும்.. காய்கள் உடைந்து போகாமல் நன்றாக இடையிடையே கிளறி விடவும்.. நன்றாக வெந்ததும் அதில் தேங்காய் துருவல் சேர்த்து நன்றாக கலந்து கொள்ளவும்.. இறுதியில் சிறிது கொத்தமல்லி இலை தூவி இறக்கவும்.. இப்போது சூடான சுவையான ஆரோக்கியமான முருங்கைக் காய் பொரியல் ரெடி.. சாதத்துடன் பொரியலாகவும் தொக்கு போன்று பிசைந்து சாப்பிட சுவையாக இருக்கும். நன்றி. ஹேமலதா கதிர்வேல்.