காய்கறிகளை ஒரு அங்குல நீளத்துக்கு நறுக்கி வைக்கவும். இஞ்சி பூண்டை தட்டி வைக்கவும்.11/2 டம்ளர் தண்ணீர் சேர்த்து முதல் தேங்காய்ப்பால்,இரண்டு டம்ளர் தண்ணீர் சேர்த்து இரண்டாவது தேங்காய்ப்பால் எடுத்துக் கொள்ளவும்.

கடாயில் சிறிது எண்ணெய் சேர்த்து பச்சை மிளகாய் வதக்கி நன்றாக வறுபட்டதும் பொரிகடலை சேர்த்து ஒரு நிமிடம் கிண்டி இறக்கவும். பொரிகடலை சிவக்க வேண்டாம். இதை சிறிது தண்ணீர் விட்டு அரைத்துக் கொள்ளவும்

அதே கடாயில் தேவையான அளவு எண்ணெய் ஊற்றி இஞ்சி பூண்டு சேர்த்து வறுத்து வெங்காயம் சேர்த்து வதக்கி, காய்கறிகள் சேர்த்து 2 நிமிடம் கிண்டவும்

இப்போது இரண்டாவது தேங்காய்ப்பால் சேர்த்து மூடி போட்டு மிதமான தீயில் ஆறு நிமிடம் வேகவிடவும். பிறகு பொரிகடலை பச்சை மிளகாய் அரைத்த விழுது சேர்க்கவும். காய்கறிகள் வெந்ததும் உப்பு சேர்க்கவும். ஒரு கொதி விடவும். கடைசியா முதல் தேங்காய்ப் பால் சேர்க்கவும்.

பிறகு தாளிக்கக் கொடுத்தவற்றை தாளித்து அதில் சேர்த்து ஒரு கொதிவிட்டு இறக்கவும். *முதல் பால் சேர்த்ததும் ரொம்ப நேரம் அடுப்பில் இருக்க வேண்டாம்.

நம்முடைய தேங்காய் பால் சொதி தயார் இதை ஆப்பத்துடனும் இடியாப்பத்துடன் பரிமாறலாம்.