முதலில் தேங்காயை உடைத்து எடுத்து, சிறிதளவு தண்ணீர் சேர்த்து அரைத்து பால் எடுத்து வைத்துக் கொள்ளவும்.

வெங்காயம், பச்சைமிளகாயை நறுக்கி வைத்துக்கொண்டு, குக்கரில் எண்ணெய் மற்றும் நெய் சேர்த்து தாளிக்க வைத்திருந்த பொருட்களை போட்டு தாளித்து, வெங்காயம் பச்சை மிளகாய் சேர்த்து வதக்கவும்.

புதினாவை சேர்த்து வதக்கவும், பிறகு இஞ்சி பூண்டு விழுது சேர்த்து பச்சை வாசம் போகும் வரை நன்றாக வதக்கவும்.

எடுத்து வைத்த தேங்காய் பாலை அளந்து ஊற்றி, அரிசிக்கு ஏற்றவாறு அதனுடன் தண்ணீர் சேர்த்துக் கொள்ளலாம். தேவையான அளவு கல்லுப்பு சேர்த்து கலக்கவும்.

பிறகு அரிசியை சேர்த்து கலந்துவிட்டு கடைசியில் நெய் சேர்த்து குக்கரை மூடி வைத்து விசில் விடவும்.

விசில் அடங்கிய பின் சுவையான தேங்காய் பால் சாதம் தயார்..