அரிசியை நன்றாக கழுவி காய வைத்து எடுத்து வைத்துக் கொள்ளவும். உளுந்தை இளம் வறுப்பாக வறுத்து அரிசியுடன் சேர்த்து ஆறியவுடன் மிஷினில் கொடுத்து அரைத்து சலித்து வைத்துக் கொள்ளவும்.

அகன்ற பாத்திரத்தில் மாவை போட்டு தூள் உப்பு பெருங்காயத்தூள் சீரகம் ஆகியவற்றை சேர்த்து வெண்ணெயை உருக்கி மாவில் ஊற்றவும் நன்றாக கையால் கலந்து.மாவை கையால் உருட்டி பிடித்தால் பிடிக்க வரவேண்டும் (படத்தில் காட்டிய மாதிரி) உதிர்த்தால் உதிர வேண்டும் தேவை என்றால் மேலும் சிறிது வெண்ணெய் சேர்த்துக் கொள்ளலாம். அதன்பின் சிறிது சிறிதாக தண்ணீர் ஊற்றி கெட்டியாக பிசையவும்.

ஒரு வாணலியில் எண்ணெய் ஊற்றி எண்ணெய் காய்ந்ததும் முறுக்கு அச்சில் மாவை வைத்து ஒரு சீட்டில் பிழிந்து வைத்து எண்ணெயில் போட்டு பொரித்தெடுக்கவும். அடுப்பை மீடியமாக எரியவிடவும் முறுக்கு கருகாமல் வரும்.

இந்த பதத்தில் முறுக்கு செய்தால் பல்லில்லாத வயதானவர்கள் கூட சாப்பிடலாம் வாயில் போட்டவுடன் ஊறி சாப்டாக ஆகிவிடும்.