முதலில் தேவையான பொருட்கள் அனைத்தையும் தயாராக எடுத்து வைக்கவும்.அடுப்பில் ஒரு கடாயை வைத்து சூடானதும் 2 ஸ்பூன் நெய் விட்டு காய்ச்சவும்.நீ நன்றாக காய்ந்தவுடன் எடுத்து வைத்துள்ள முந்திரி திராட்சை இரண்டையும் சேர்த்து நன்றாக பொன்னிறமாக வறுக்கவும். பின்னர் ரவையை சேர்த்து மிதமான தீயில் நன்றாக வறுத்து விடவும். ரவை மணம் வரும் வரை கருக விடாமல் வறுக்கவும்.

ரவை நன்றாக வழு பட்டவுடன் எடுத்து வைத்துள்ள ஒரு கப் சர்க்கரையை சேர்த்து நன்றாக கலந்து விடவும். எடுத்து வைத்துள்ள ஏலக்காயை தட்டி சேர்த்துக் கொள்ளவும். சர்க்கரை நன்றாக கரைந்து வந்ததும் தேவையான அளவு பால் சேர்த்து கலந்து கொள்ளவும்.ஒரு கப் ரவைக்கு கால் கப் பால் போதுமானது. இந்தக் கலவை கை பொறுக்கும் சூடு வரும்வரை ஆறவிடவும்.

கை பொறுக்கும் சூடு வந்தவுடன் தேவையான அளவு ரவை கலவையை எடுத்து உருண்டை பிடித்து வைக்கவும். இப்பொழுது சுவையான மிகவும் சுலபமாக செய்யக்கூடிய ரவா லட்டு தயார். நன்றி.ஹேமலதா கதிர்வேல்.