முளைக்கட்டிய பயிர் டகோஸ் சாட் (Sprouts tacos chaat recipe in tamil)

கடாயில் சிறிது எண்ணெய் விட்டு எண்ணை சூடானதும் முளைகட்டிய பயிர் மற்றும் தேவையான அளவு உப்பு சேர்த்து குறைந்த தீயில் நன்றாக வதக்கவும் பிறகு மூடி வைத்து குறைந்த தீயில் 5 நிமிடம் வைக்கவும் (தண்ணீர் விடத் தேவையில்லை அடிப் பிடிக்காமல் இருக்க அவ்வப்போது கிளறிவிடவும்)

பிறகு இதனுடன் நறுக்கிய வெங்காயம் தக்காளி நறுக்கிய பச்சைமிளகாய் சேர்த்து அனைத்தையும் நன்றாக கலந்து கொள்ளவும்

மற்றொரு பாத்திரத்தில் கோதுமை மாவு இதனுடன் ரவை, மிளகாய்த்தூள், தனியாத்தூள், கரம் மசாலா, சீரகம், நெய், உப்பு சேர்த்து நன்றாக கலந்து சிறிது தண்ணீர் சேர்த்து கெட்டியாக பிசைந்து கொள்ளவும்... பிசைந்த மாவை 15 நிமிடம் வைக்கவும்

பிறகு இதனை நன்றாக உருட்டிக் கொள்ளவும் சற்று தடிமனாக இருக்க வேண்டும் பிறகு சிறு மூடியின் உதவி கொண்டு வட்டமாக வெட்டி எடுத்துக் கொள்ளவும் வட்டமாக வெட்டிய மாவை போர்க் ஸ்பூன் இன் உதவியால் ஓட்டைகள் செய்து கொள்ளவும்

கடாயில் எண்ணெய் ஊற்றி எண்ணெய் காய்ந்ததும் குறைந்த தீயில் வைத்து தயாரித்து வைத்திருப்பதையும் ஒன்றை சேர்த்து படத்தில் காட்டியவாறு இரண்டாக மடித்து 15 நொடிகள் பிடித்துக்கொள்ளவும் பிறகு எண்ணெயில் இருபக்கமும் பொரித்தெடுக்கவும்... பொரித்த டாகோஸில் தயாரித்து வைத்திருக்கும் முளைகட்டிய பயிர்களை சேர்க்கவும் பிறகு கெட்டித்தயிர் நறுக்கிய கொத்தமல்லி இலை மிளகாய் தூள் தூவி பரிமாறவும்

🤩முளைக்கட்டிய பச்சைப் பயிர் மட்டும் சேர்ப்பதாக இருந்தால் எண்ணெயில் வதக்க தேவையில்லை... நவதானியங்கள் சேர்த்து இருப்பதினால் சிறிது எண்ணெயில் வதக்கி சேர்த்தேன்🤩🤩டாகோஸ் செய்யும் போது மாவில் ஓட்டைகள் செய்து கொள்ளவும் இல்லை என்றால் பூரி போல் உப்பி வரும்... கோதுமை மாவுக்கு பதிலாக மைதா மாவு, அரிசி மாவு சேர்த்து செய்யலாம்... குறைந்த தீயில் வைத்து டாகோஸ்களை பொரித்தெடுக்கவும்🤩