முதலில் வாணலியில் எண்ணெய் ஊற்றி பட்டை, ஏலக்காய் மற்றும் சீரகம் சேர்த்து தாளிக்கவும். பிறகு பொடியாக நறுக்கிய வெங்காயம், பச்சை ‌மிளகாய் மற்றும் கறிவேப்பிலை சேர்த்து நன்றாக வதக்கவும்.

வெங்காயம் பொன்னிறமாக வதங்கியதும், இஞ்சி பூண்டு விழுது சேர்த்து வதக்கவும். பிறகு உப்பு, மிளகாய்த்தூள், மல்லித்தூள், கரம்மசாலா தூள், சீரகத்தூள் சேர்த்து நன்றாக வதக்கவும். தக்காளி சேர்த்து வதக்கவும்.

தக்காளி நன்றாக வதங்கியதும், சிறிது தண்ணீர் சேர்த்து கொள்ளலாம். காளானை சுத்தம் செய்து நீள வாக்கில் நறுக்கி வைக்கவும்.

வதங்கிய மசாலாவில் காளானை சேர்த்து நன்றாக கலந்து வதக்கவும். அதில் இருந்து வரும் நீரிலே நன்றாக வேக விடவும்.

10 நிமிடங்கள் மூடி வைத்து வேக விடவும். சுவையான காளான் மசாலா ரெடி.. தோசை, சப்பாத்தி மற்றும் சாதத்துடனும் சாப்பிட சுவையாக இருக்கும்.