முருங்கைக் கீரை சாம்பார் (Murunkai keerai sambar recipe in tamil)

முதலில் தேவையான பொருட்களை தயாராக எடுத்து வைக்கவும்.

முதலில் அடுப்பை பற்ற வைத்து அதில் ஒரு குக்கரில் துவரம் பருப்பு மஞ்சள் தூள்,பச்சை மிளாகாய்,தக்காளி,பூண்டு,தண்ணீர் ஊற்றி குக்கரை மூடி வைத்து 3,4விசில் போட்டு வேகவிட்டு இறக்கி வைக்கவும்.

ஒரு வாணலியில் சூடானதும் அதில் எண்ணெய் ஊற்றி காய்ந்ததும் அதில் கடுகு உளுந்த பருப்பு, சீரகம் பொரிந்தவுடன் காய்ந்த மிளாகாய் சேர்த்து வதக்கிய பின் வெங்காயம் கறிவேப்பிலை சேர்த்து வதக்கிய பின்னர் அதில் பெருங்காய தூள் சேர்த்து நன்றாக வதக்கவும்.

வதங்கியதும் அதில் தக்காளி சேர்த்து வதங்கியதும் கால் ஸ்பூன் மஞ்சள் தூள், சாம்பார் தூள் சேர்த்து நன்றாக வதக்கவும்.

வதங்கியதும் அதில் கரைத்து வைத்த புளி கரைசலை ஊற்றி நன்றாக பச்சை வாசனை போகும் வரை கொதிக்க விடவும்.

கொதித்ததும் அதில் மசித்த பருப்பு,உப்பு தேவையான அளவு தண்ணீர் சேர்த்து இரண்டு நிமிடம் நன்றாக கொதி வந்ததும்

அதில் முருங்கைக் கீரையை சேர்த்து ஒரு கொதி வந்ததும் அடுப்பை அணைத்து விட்டு மல்லி இலை தூவி கீழே இறக்கி வைக்கவும்.

குறிப்பு.கிரையை போட்ட பின்பு ரெம்ப கொதிக்க விட கூடாது.சூடு ஆறியதும் மூடி போட்டு மூடி வைக்கவும்.சூடோடூ மூடி வைத்தால் கீரையின் நிறம் மாறிவிடும்.