குக்கரில் எண்ணெய் மற்றும் நெய் சேர்த்துக் கொள்ளவும்.

பிறகு தாளிக்கக் கொடுத்துள்ள மசாலா பொருட்களை சேர்த்து வதங்கியதும். அதில் முந்திரிப்பருப்பு, வெங்காயம் சேர்த்து கண்ணாடி பதத்திற்கு வதக்கி கொள்ளவும்.

பிறகு கறிவேப்பிலை, பச்சை மிளகாய் இரண்டாக வெட்டி சேர்த்துக்கொள்ளவும். அதனுடன் இஞ்சி பூண்டு விழுது சேர்த்து பச்சை வாசனை போகும் வரை வதக்கவும்.

பச்சை வாசனை போக வதக்கிய பிறகு தக்காளி சேர்த்து நன்றாக மசிய வதக்கி கொள்ளவும். அதனைத் தொடர்ந்து புதினா, கொத்தமல்லி தழை சேர்த்து நன்றாக வதங்கியதும் சிக்கன் சேர்த்து கொள்ளவும்.

பின் தயிர் மசாலா பொருட்களை சேர்த்து சிக்கனில் நன்றாக கலந்து விடவும்.

பிறகு உப்பு,ஊற வைத்த அரிசி சேர்த்து ஐந்து நிமிடம் வதங்கியதும். 1:2 என்ற அளவில் தண்ணீர் சேர்த்துக் கொள்ளவும்.

தண்ணீர் நன்றாக கொதிக்க தொடங்கியதும் சுவை பார்த்து உப்பு,காரம் சற்று தூக்கலாக இருக்கும்படி பார்த்துக் கொள்ளவும். குக்கரை மூடி 3 விசில் வைத்து வேக வைக்கவும்.