ஒன்றரை டம்ளர் பச்சரிசி இருமுறை கழுவி மூழ்கும் வரை நீர் விட்டு ஒரு மணி நேரம் ஊற வைக்கவும்.ஊறியதும் நீரை வடித்துவிட்டு நிழலில் ஒரு துணியில், பரப்பி,காயவைக்கவும் மிக்ஸியில் இட்டு மாவாக்கி சலித்து வைக்கவும்.பொடித்த வெல்லத்தை சிறிதளவு நீர் விட்டு கரைத்து வடிகட்டி மீண்டும் அடுப்பில் வைத்து ஒரு கம்பி பதம் வந்ததும் இறக்கி அரிசி மாவில் சேர்த்து கிளறவும். சுக்குத் தூள் சிறிதளவு சேர்க்கவும் மாவிளக்கு மாவு தயார்,

இந்த மாவுடன் சிறிதளவு கோதுமை மாவு தேவைப்பட்டால் சிறிது வெல்லம் ஏலக்காய்த்தூள் பால் சேர்த்து கெட்டியாக கரைத்து மிதமான தீயில்,காய்ந்த எண்ணெயில் பொரித்து எடுக்கவும்.சுவையான அப்பம் தயார். மாவிளக்கு அப்பம் என்று இதை நாங்கள் சொல்லுவோம் மிகவும் சுவையாக இருக்கும். நீங்களும் செய்து பாருங்கள்