பாஸ்மதி அரிசி ஐ 20 நிமிடங்கள் வரை ஊறவிடவும் அடி கணமான பாத்திரத்தில் எண்ணெய் மற்றும் நெய் சிறிது விட்டு சூடானதும் சோம்பு சேர்த்து வெடித்ததும் பட்டை கிராம்பு ஏலக்காய் பிரியாணி இலை அன்னாச்சி பூ மராத்தி மொக்கு ஜாதிப்பத்ரி எல்லாம் சேர்த்து வதக்கவும்

நறுக்கிய வெங்காயம் பச்சை மிளகாயை சேர்த்து வதக்கவும் பின் இஞ்சி பூண்டு விழுது சேர்த்து வதக்கவும் பின் நறுக்கிய தக்காளி சேர்த்து வதக்கவும் பொடியாக நறுக்கிய புதினா ஸ்பிரிங் ஆனியன் சேர்த்து நன்கு வதக்கவும்

பின் மிளகாய்த்தூள், கரம் மசாலா தூள், மல்லித்தூள், சேர்த்து நன்கு வதக்கவும் மசாலாவில் இருந்து எண்ணெய் பிரிந்து வரும் வரை வதக்கவும் பின் தயிர் சேர்த்து நன்கு வதக்கவும்

பின் பச்சை பட்டாணி, கேரட்,பீன்ஸ், சுடுதண்ணீரில் ஊறவைத்து பிழிந்து எடுத்த சோயா பீன்ஸ், சேர்த்து வதக்கவும் காய்கறிகளை சேர்த்து ஒரு நான்கு நிமிடங்கள் வரை மசாலா உடன் சேர்த்து நன்கு வதக்கவும்

பின் ஊறவைத்த அரிசியை கழுவி தண்ணீரை வடிகட்டி சேர்க்கவும் பின் மீதமுள்ள நெய்யை விட்டு நன்றாக கிளறவும் பின் தேங்காய் பால் மற்றும் தண்ணீர் கலந்து விட்டு கொதிக்க விடவும்

நன்கு கொதித்ததும் கொத்தமல்லி தழை தூவி நன்கு கிளறி மூடி வைக்கவும் அடுப்பை மெல்லிய தீயில் 10 நிமிடம் வரை மூடி வைத்து அதன் மேல் ஒரு வெயிட் வைக்கவும் பத்து நிமிடம் கழித்து திறந்து ஒரு முறை கிளறி விடவும் பின் மீண்டும் 3_5 நிமிடங்கள் வரை மூடி வைக்கவும்

சுவையான ஆரோக்கியமான தேங்காய் பால் நெய் குஸ்கா ரெடி

அலங்கரிக்க கொடுத்துள்ள முந்திரி ஐ நெய்யில் வறுத்து எடுக்கவும் வெங்காயத்தை நீளவாக்கில் நறுக்கி சூடான எண்ணெயில் போட்டு பொன்னிறமாக பொரித்து எடுக்கவும் அதை மேலே தூவி சிறிது புதினா இலை கொத்தமல்லி தழை ஸ்பிரிங் ஆனியன் தூவி மாதுளை முத்துக்கள் தூவி அலங்கரித்து தயிர் பச்சடி உடன் சூடாக பரிமாறவும்

தயிர் பச்சடி செய்ய கொடுத்துள்ள பொருட்களை ஒன்றாக கலந்து கொள்ளவும்