தட்டப்பயறு லேசாக வறுத்து கழுவி குக்கரில் போட்டு தேவையான நீர் விட்டு 5 விசில் விடவும். சிம்மில் வைத்து வேகவிடவும். கத்திரிக்காயை கழுவி அரிந்து வைக்கவும். வெங்காயம் பூண்டு தக்காளியை கழுவி பொடியாக நறுக்கி வைக்கவும். தேங்காய் துருவலை மிக்ஸி ஜாரில் சேர்த்து தண்ணீர் விட்டு நைஸாக அரைத்து வைக்கவும். ஒரு சிறிய எலுமிச்சை அளவு புளியை ஊற வைத்து கரைத்து வைக்கவும்.

ஒரு வாணலியில் கடுகு வரமிளகாய் பூண்டு தாளித்து, கருவேப்பிலை வெங்காயம் வதக்கி தக்காளி சேர்த்து வதக்கவும்.கத்திரிக்காய் சேர்த்து வதக்கவும்.சாம்பார் பொடி உப்பு மஞ்சள்தூள் பெருங்காயத்தூள் சேர்த்து நன்கு வதக்கி வெந்த தட்டை பயறு சேர்த்து சிறிதளவு நீர் விட்டு வேகவிடவும். கத்திரிக்காய் வெந்ததும் தேவையான புளியை ஊற்றவும். அரைத்து வைத்த தேங்காய் விழுதை சேர்த்து கலந்து விடவும். அடுப்பை சிம்'மில் வைத்து கொதிக்க விடவும்.

சுவையான தட்டைப்பயறு கத்திரிக்காய் குழம்பு தயார். நீங்களும் செய்து பாருங்கள்.