பச்சரிசி ஐ இரண்டு முறை நன்றாக கழுவி தண்ணீரை ஊற்றி 2 மணி நேரம் வரை ஊறவிடவும்,பின் கழுவி தண்ணீரை வடிகட்டி சுத்தமான துணியில் பரப்பி மின்விசிறி அடியில் உலர விடவும், பாசிப்பருப்பு ஐ வெறும் வாணலியில் போட்டு நிறம் மாறாமல் மெல்லிய தீயில் வைத்து நிதானமாக வறுக்கவும், அரிசியை கைகளில் தொட்டு பார்த்து ஈரம் போனதும் வாணலியில் சிறிது சிறிதாக சேர்த்து பொரிய (வறுக்கவும்) விடவும், சிவக்க வறுக்க கூடாது மெல்லிய தீயில் வைத்து நிதானமாக நிறம் மாறாமல் மணம் வர வறுத்தால் போதும்

அரிசி மற்றும் பருப்பு இரண்டையும் மிஷினில் கொடுத்து திரித்து கொள்ளவும் கைகளில் தொட்டு பார்க்கும் போது நைசா இல்லாம மாவு கொஞ்சம் மணல் மணலா இருக்க வேண்டும்

இளந்தேங்காயா எடுத்து துருவி சிறிதும் தண்ணீர் சேர்க்காமல் மிக்ஸியில் போட்டு அரைத்து பிழிந்து கெட்டியான தேங்காய்ப்பால் எடுக்கவும் வரதேங்காய் எடுத்தா தண்ணீர் ஊற்றி அரைக்க வேண்டும் அதனால் தான் இளநீர் காய் எடுத்து துருவி சிறிதும் தண்ணீர் சேர்க்காமல் அரைத்து எடுக்கவும் இந்த முறுக்கின் ருசியே தேங்காய் பால் தான்

சீரகம் ஓமம் பெருங்காயத்தூள் சேர்த்து மிக்ஸியில் அரைத்து தண்ணீர் சேர்த்து கலந்து வடிகட்டி கொள்ளவும்

மாவுடன் உப்பு மற்றும் சர்க்கரை சேர்த்து நன்கு கலந்து கொள்ளவும் பட்டரை டபுள் பாயில் முறையில் சூடாக்கி ஊற்றி நன்கு கலந்து கொள்ளவும்

பின் ஸ்டார் அச்சில் போட்டு சூடான எண்ணெயில் பிழிந்து விடவும்

எண்ணெய் சலசலப்பு அடங்கியதும் எடுக்கவும் சிவக்க கூடாது வெள்ளையா தான் இருக்கும் ஆனா மொறுமொறுப்பா இருக்கும் லைட்டா இனிப்பு சுவை தேங்காய் பால் ருசி மைல்டா சீரக ஓமம் பெருங்காயத்தூள் மணம் எல்லாம் சேர்ந்து நன்றாக இருக்கும்

தேங்காய் பால் பட்டர் முறுக்கு ரெடி