ஒரு கடாயில் தேங்காய் எண்ணெய் அல்லது நல்லெண்ணெய் விட்டு காய்ந்ததும் அதில் பட்டை லவங்கம் பிரிஞ்சி இலை சேர்க்கவும் பிறகு இதனுடன் நறுக்கிய சின்ன வெங்காயம் பெரிய வெங்காயம் சேர்த்து நன்றாக வதக்கவும்

வெங்காயம் வதங்கிய பின் இதனுடன் பூண்டு விழுது இஞ்சி விழுது சேர்த்து பச்சை வாசனை போக நன்றாக வதக்கவும் பிறகு அரைத்து வைத்த வர மிளகாய், மஞ்சள் தூள்

தனியாத்தூள் கரம் மசாலா சேர்த்து எண்ணெய் பிரியும் வரை வதக்கவும் பிறகு இதனுடன் சிக்கன் மசாலா

தேவையான அளவு உப்பு நறுக்கிய தக்காளி சேர்த்து எண்ணெய் பிரியும் வரை வதக்கி எண்ணெய் பிரிந்த பின் கருவேப்பிலை சேர்க்கவும்

நாட்டுக்கோழியை படத்தில் காட்டியவாறு கால் பகுதியும் நெஞ்சுப் பகுதியும் ஆக வெட்டி வாங்கிக் கொள்ளவும் பிறகு இதை உப்பு நீரில் மஞ்சள் கலந்து நன்றாக கழுவி எடுத்துக் கொள்ளவும்... இப்போது நாட்டுக்கோழி இதனுடன் சேர்த்து மிதமான தீயில் 5 நிமிடம் வதக்கவும்

இப்போது இதனுடன் அரைத்த தேங்காய் சேர்த்து (வரமிளகாய் அரைத்த மிக்ஸியில் தேங்காய் அரைத்தேன் அதனால் இந்தக் கலரில் உள்ளது) நன்றாக கிளறி 2 கப் தண்ணீர் சேர்த்து நாட்டுக்கோழியை நன்றாக வேகவிடவும் குக்கரில் வேக வைப்பது என்றால் 3-4 விசில் விடவும் பிறகு இதில் புளிக் கரைசலை சேர்த்து குறைந்த தீயில் 5 நிமிடம் வைக்கவும்

இப்போது குழம்பு கெட்டியாகி எண்ணெய் பிரியும் போது இதில் 2 டேபிள்ஸ்பூன் அளவு நல்லெண்ணெய் சேர்த்து கொத்தமல்லி இலை தூவி பரிமாறவும்